Bugin
Фото: Түркістан облысы әкімдігі
Түркістан облысы, Жетісай ауданында ауқымды сенбілік өтті. Оған мемлекеттік және квазимемлекеттік мекеме қызметкерлері, ерікті жастар мен аудан тұрғындары, мәслихат депутаттары мен қоғамдық ұйым мүшелері қатысты, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.
Аталмыш сенбілік аясында мемлекеттік және квазимемлекеттік мекеме қызметкерлері өздеріне бөліп бекітілген көшелерде тазалық жұмыстарын жүргізсе, ауданның әрбір тұрғыны үй іргелік жерлерін күл-қоқыстардан, жапырақтардан тазартты. Сондай-ақ саябақтар мен көшелер, арық-атыздар тазаланды.
Сонымен қатар ауданға кірер негізгі күре жолдардың бойы тазартылып, жасыл желеңге айналдыру мақсатында түрлі декоративті ағаштардың көшеттері отырғызылды. Әрбір көшетті күтіп-баптау жұмыстары тұрғындарға түсіндіріліп, мамандар табиғатты аялауға шақырды.
Bugin.kz
Қосымшаны жүктеп алыңыз
