Bugin
Фото: Түркістан облысы әкімдігі
Түркістан облысында Мемлекет басшысы Қасым-Жомарт Тоқаевтың бастамасымен «Таза Қазақстан» бағдарламасы тұрақты жүргізілуде. Экологиялық шара аясында «Жасыл белдеу» аумағында сенбілік ұйымдастырылды, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.
Шараға облыстық табиғи ресурстар және табиғат пайдалануды реттеу басқармасы, облыстық ауыл шаруашылығы және облыстық ветеринария басқармасы мен «Жасыл аймақ» мекемесінен қызметкерлер атсалысты. Жалпы тазалық жұмыстарына 1100 адам жұмылдырылып, белсенділік танытты.
Қазіргі таңда әуежай бағытындағы жолдың бойы жаңа көшеттермен толықтырылып, тіректерді жөндеу және жабайы шөптерді тазарту жұмыстары жүргізіліп жатыр. Бүгінде 250 мыңға жуық әртүрлі ағаш көшеті толықтырылып, отырғызылды.
Bugin.kz
Қосымшаны жүктеп алыңыз
