ТҮРКІСТАН ОБЛЫСЫ: ЖАЛПЫАУДАНДЫҚ СЕНБІЛІКТЕ КӨГАЛДАНДЫРУ ЖҰМЫСТАРЫ ҚАРҚЫНДЫ ЖҮРГІЗІЛДІ

«Таза Қазақстан» экологиялық шарасы шеңберінде аудан әкімі Арман Сәбитовтің ұйытқы болуымен, аудан аумағында күзгі тал егу, сенбілік жұмыстары қарқынды жалғасуда. Айналаны абаттандыру шарасына бюджеттік мекеме, білім беру ұйымдары, «Көрікті Сайрам» мекемесі қызметкерлері және аудан тұрғындары, жалпы 9440 адам белсене атсалысты, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.

Қоғамда экологиялық мәдениеттті қалыптастыруға бағытталған шара барысында 125 шқ. көше бойлары мен 13 шқ. аяқжолдары ретке келтіріліп, 2.2 шқ. арық-атыздары мен ирригациялық жүйелері қоқыстардан тазаланды.

Бұдан бөлек, аудан аумағындағы 14 спорт және балалар алаңшалары мен 8 аялдама ретке келтіріліп, көшелердің көркін кіргізді. Жалпы 4500-ден аса түп күзгі көшеттер егіліп, көше бойының көгалдандыру жұмыстары жүргізілді.

Сайрам ауданында бекітілген жоспар бойынша 2024 жылдың күз айларында 23300 түп ағаш көшеттерін отырғызу белгіленген. Бүгінгі таңда аудан аумағында 2500 түп терек көшеті, 10 000 түп қарағаш көшеттері, 5000 түп лигуструм, 250дана раушан гүлі, 250 дана бозарша, 1000 дана,Сирия раушан гүлі, 1000 дана айлант, 3050 дана шаған, 250 дана арша көшеттері отырғызылды.

Аумақтың экологиялық жағдайын жақсартуға 36 техника жұмылдырылды. Полигон аумақтарына 16,6 тонна қоқыс тасымалданды.

Барлық тұрғындарды ауламызды, көшемізді тазартып, ауданымызды жасыл желекке айналдыруға атсалысуға шақырамыз.