Bugin
Авторларды қолдау орталығы
mediabugin@gmail.comФото: Түркістан облысы әкімінің баспасөз қызметі
Аудан орталығы Ақсу ауылындағы Орталық саябақ бүгінде халықтың аз-кем тынығып алатын сүйікті мекеніне айналған. Осы орайда, тұрғындардың серуендеуіне жайлы жағдай жасау жұмыстарын жандандыру мақсатында аудан әкімі Арман Сәбитов Орталық саябақты арнайы аралады, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.
Тиісті тұлғалармен тұрғындардың тынығу орнын заманауи үлгіге сәйкес көріктендіру туралы мәселелерді талқылады.
Қазіргі таңда «ААА Ақылбек» ЖШС мердігер мекемесі тарапынан Орталық саябақ аумағын көгалдандыру үшін автоматтандырылған ауыз су жүйесін орнату, жаяу жүргіншілер жолағын салу, сондай-ақ, соғыс майдангерлеріне мемориалды тақталар қою жұмыстары қолға алынған.
Аудан әкімі Орталық саябақтың келбетін көркейту бойынша жауапты басшыларға жұмыс қарқындылығын арттыруды тапсырды.