Атырауда 17 жастағы жасөспірім өзіне қол жұмсамақ болды

Атырауда полицейлер көпірден секірмек болған 17 жастағы жасөспірімді құтқарды, деп хабарлайды Bugin.kz порталы. 

ІІМ-нің мәліметінше, тосын оқиға 9 желтоқсан күні болған. Жедел басқару орталығына Бергалиев көпірінде белгісіз адамның секіргелі тұрғаны туралы ақпарат түскен. 

“Оқиға орнына дереу жеткен патрульдік полиция қызметкерлері көпір үстінде жасөспірімнің секіруге әрекет жасап жатқанын байқап, оған жақындап, сөйлескен. Тәртіп сақшыларының жедел әрекетінің арқасында жасөспірім қауіпсіз жерге шығарылды”, - делінген хабарламада. 

Қазіргі уақытта жедел тергеу тобы жасөспірімнің бұл әрекетке баруының себептерін жан-жақты тексеріп, тергеу жұмыстарын жүргізіп жатыр.