Даниал Ахметов қызметінен кетті

Шығыс Қазақстан облысының бұрынғы әкімі Даниал Ахметов қызметінен кетті, деп хабарлайды Bugin.kz порталы. 

Даниал Ахметов ҚР жеңіл атлетика федарациясының басшысы еді. Спорт журналисі Иван Резванцев мәліметінше, президенттің өкілеттігі мерзімінен бұрын тоқтаған. 

“ШҚО экс-әкімі Даниал Ахметов Қазақстан жеңіл атлетика федерациясы басшысы қызметінен шұғыл түрде кетеді. Қазақстанның ең атақты жеңіл атлеті, Лондондағы 2012 жылғы Олимпиада ойындарының чемпионы Ольга Рыпакова барлық мәселелерді шешуі мүмкін”, - деп жазды журналист. 

Бүгін, 11 желтоқсан күні сағат 9.30-да Астанада ҚР жеңіл атлетика федерациясының конференциясы басталды . Дауыс беруге 28 адам қатысады. Күн тәртібінде үш мәселе талқыланады. Даниал Ахметов 2024 жылдың қорытындысын айтып, есеп береді, федерация президентінің өкілеттігін мерзімінен бұрын тоқтату туралы шешім қаралады және федерацияның жаңа президенті сайланады. 

Даниал Ахметов бұл орынға 2018 жылдың наурыз айында келді.