Жолбарыс фермерді жеп қойды

Үндістанның Махараштра штатында жолбарыс фермерді жеп қойды, деп хабарлайды Bugin.kz порталы Tengritravel.kz сайтына сілтеме жасап.

Мәліметтерге сүйенсек, 60 жастағы Моханкара күндіз балық аулауға барып, кейін өз фермасына аттанбақ болған. Алайда кешке үйіне оралмағаннан кейін ұлдары дабыл қағып, көмекке ауыл тұрғындарын шақырып, әкесін іздеуге шыққан.

Шамамен 23:00-де адамдар тобы бөлшектелген адамның денесін тапты. Кейін оның Моханкара екені анықталды. Ол штаттағы жабайы жануарлардың 41-ші құрбаны болған.

Жергілікті тұрғындар бұл трагедияға орман шаруашылығы қызметкерлерін айыптады. Олардың айтуынша, ауыл маңында жолбарыстар мен қабыландардың бар екенін біле тұра, тиісті шараларды қолданбаған.

Бір жыл ішінде осы штатта 111 адам қаза тапқан. Оның 81-і жолбарыстардың, 18-і қабыландардың, ал қалған 12-сі басқа жануарлардың құрбаны болған.