Bugin

Санжар Тәшкенбай өзбек боксшысынан жеңіліп қалды

Авторларды қолдау орталығы

mediabugin@gmail.com

Фото: Инстаграм @tashkenbay_sanzhar

Қазақстандық боксшы Санжар Тәшкенбай Таиландтағы Азия чемпионатының финалында өзбек спортшысынан жеңіліп, күміс медаль еншіледі, деп хабарлайды Bugin.kz порталы. 

Санжар Тәшкенбай 48 кг салмақ дәрежесіндегі финалда өзбекстандық Шодиержон Меликузиевпен кездесті. Нәтижесінде Санжар Тәшкенбай төрешілердің шешімі бойынша 1:4 есебінде жеңіліс тапты. Ол Азия чемпионатының күміс жүлдегері атанды. 

Санжар Тәшкенбай 2022 жылы Амманда өткен Азия чемпионатында, 2023 жылы Ташкентте өткен әлем чемпионатында алтын медаль жеңген болатын. 

Бүгін, 11 желтоқсанда Азия чемпионатының шаршы алаңында тағы 8 қазақстандық боксшы сынға түседі. Олар: Махмұд Сабырхан, Оразбек Асылқұлов, Дулат Бекбауов, Абылайхан Жүсіпов, Диас Молжігітов, Бекзат Нұрдәулетов, Сағындық Тоғамбай, Айбек Оралбай.