Алдағы 3 күнге арналған ауа райы болжамы

Синоптиктер алдағы үш күнге — 12, 13 және 14 желтоқсанға арналған ауа райы болжамын жариялады, деп хабарлайды Bugin.kz порталы. 

Мамандардың мәліметінше, Қазақстанның басым бөлігіне солтүстік циклон әсер етеді, бұл тұрақсыз ауа райын алып келеді. Қар, бұрқасын және екпінді жел күтіледі. 

13 желтоқсанда күндіз және 14 желтоқсан бойы елдің батыс өңірлерінде, оңтүстігі мен оңтүстік-шығысында жаңбыр мен қар түрінде жауын-шашын, сондай-ақ көктайғақ болуы мүмкін.

“Ауа температурасының төмендеуі тек елдің батысында түнде 0-8 градус аязға дейін төмендейді деп болжанған. Қалған өңірлерде түнгі температураның біртіндеп көтерілуі күтіледі: солтүстік-батыста, солтүстікте 3-10 градус аяз, Қазақстанның орталығында 5-13 градус аяз, шығысында 10-20 градус аяз, оңтүстік-шығысында 0-10 градус аяз, ал оңтүстік өңірлерде 8 градус аяздан 2 градус жылыға дейін", – делінген хабарламада.