Bugin
Фото: Түркістан облысы әкімдігі
Бүгін Түркістан облысы, Созақ ауданы әкімі Мұхит Тұрысбековтің төрағалығымен терроризмге қарсы комиссияның кезекті жиыны өтті. Жиынға ауданның құқық қорғау органдары, қорғаныс істері және төтенше жағдайлар бөлімі басшылары, сондай-ақ құзырлы мекемелер мен бірқатар бөлім, мекеме басшылары, ауылдық округтер мен кент әкімдері қатысып, қауіпсіздік мәселелер жан-жақты талқыланды, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.
Күн тәртібіндегі мәселелер бойынша аудан әкімдігі ішкі саясат бөлімінің басшысы Ерлан Райымқұлов және аудандық терроризмге қарсы комиссия хатшысы Ұлжан Шекеева арнайы хабарлама жасап, комиссияның атқарған жұмыстары мен алдағы жоспарлар туралы баяндады.
Аудан басшысы Мұхит Сексенбайұлы өзара пікір алмасу мен бірлескен іс-қимылдарды үйлестірудің маңыздылығын атап өтті.
Бұған қоса терроризмнің алдын алу, қауіпті жағдайлардың ықтимал салдарын болдырмау және аудан тұрғындарының қауіпсіздігін қамтамасыз ету мақсатында бірқатар ұсыныстар мен нақты шаралар белгіленді.
Bugin.kz
Қосымшаны жүктеп алыңыз
