Түркістан облысы: Кәмелетке толмағандардың құқықтарын қорғау жөнінде комиссия отырысы өтті

Түркістан облысы, Созақ ауданы әкімінің орынбасары Серік Мамановтың төрағалығымен кәмелетке толмағандардың құқықтарын қорғау, зорлық-зомбылық пен бұзақылықтың алдын алу мақсатында комиссияның кезекті отырысы ұйымдастырылды, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.  

Жиынға аудандық құқық қорғау органдары мен білім беру ұйымдарының қызметкерлері қатысып, кәмелетке толмаған балалар мен жасөспірімдердің құқықтарын қорғау мен қауіпсіздігін қамтамасыз ету бағытында атқарылып жатқан жұмыстарды талқылады.

Күн тәртібінде қаралған негізгі мәселе бойынша аудандық білім бөлімінің басшысы Абай Өтебаев баяндама жасап, соңғы уақытта кәмелетке толмағандар арасында кездесетін құқық бұзушылықтардың алдын алу және олармен жұмыс істеу бойынша атқарылған шаралар туралы хабарлады.

Бұған қоса, мектептер мен балабақшаларда әлеуметтік қызметкерлердің жұмысын жақсарту, ата-аналармен жұмыс жүргізудің тиімділігін арттыру және балалар мен жасөспірімдердің психологиялық жағдайын бақылау жөнінде ұсыныстар жасалды.

Жиынды қорытындылаған аудан әкімінің орынбасары Серік Сахиұлы алдағы уақытта бұл мәселелер бойынша кешенді жұмыстарды күшейтуді тапсырды.