ТҮРКІСТАН: ТҮЛКІБАСТА ҚАСБЕТІНІҢ ТОЗЫҒЫ ЖЕТКЕН 13 БІЛІМ МЕКЕМЕСІ ЖӨНДЕУДЕН ӨТТІ

Биыл Түркістан облысы, Түлкібас ауанында қасбетінің тозығы жеткен Алғабас, С.Сейфуллин, Макаренко, Жанкент, Ұрбұлақ, А.Молдағұлова, Ш.Уалиханов мектептері мен Балапан, Жанерке, Алтын ұя, Қарлығаш, Аяулым, Жалын балабақшаларының сырқы беті арнайы аймағымыздың ауа-райына аса төзімді металлосайдингпен қапталып, білім мекемелерінің жанарын аша түсті, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.   

Сонымен қатар, аталған мекемелердің жөндеу жұмыстары барысында қажеттілігіне қарай тозығы жеткен терезелері ауыстырылып, шіріген едендері жаңартылды.

Айта кетерлік, бүгінгі таңда Түлкібас ауданында 60 орта білім беру мекемесі бар. (46-ы типтік, 14-і ыңғайластырылған). Онда 23 027 оқушы білім алуда. Апатты жағдайдағы және үш ауысымдағы мектептер жоқ.

Ал мектепке дейінгі 53 ұйымда (50 балабақша, 3 шағын орталық) 3-6 жас аралығындағы 6060 бала толық қамтылған. Балабақшамен қамту көрсеткіші 100 пайызды құрап отыр.