ТҮРКІСТАН: ТҮЛКІБАС АУДАНЫНДА ТУРИЗМ САЛАСЫНДА ЖАЛПЫ ҚҰНЫ 3 МЛРД. ТЕҢГЕДЕН АСАТЫН 5 ЖОБА ІСКЕ АСУДА

Келесі жылы Түркістан облысы, Түлкібас ауданының аумағында ішкі туризмді дамыту мақсатында жалпы құны 3,1 млрд. теңгелік 5 жобаны іске асыру жоспарланып отыр, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.   

Атап айтсақ,

«Түлкібас саясы» ЖШС қолданыстағы емдік сауықтыру орталығының II-кезеңі. Жоба құны 170 млн.тг, ашылатын жұмыс орны 40 адам;

«ATABULAK» ЖК олимпиада ойындарына спортшылар дайындау орталығы. Жоба құны 586 млн.тг, ашылатын жұмыс орны 20 адам;

«Ақ-Су Жабағылы» ОСК ЖШС оңалту сауықтыру кешенін қайта құрылымдау. Жоба құны 2 млрд.тг. ашылатын жұмыс орны 150 адам;

«Патсаев К» ЖК туристік аймағы. Жоба құны 150,0 млн.тг, ашылатын жұмыс орны 5 адам;

«А.Бакеев» ЖК демалыс аймағы. Жоба құны 200,0 млн.тг, ашылатын жұмыс орны 20 адам;

Аталған жобалар толық іске асқан жағдайда 235 жаңа жұмыс орындары ашылып, бюджетке 27,1 млн. теңге салық түсімдері түседі деп жоспарлануда.

Айта кетерлік, бүгінгі таңда ауданымызда 36 туристік нысан халыққа қызмет көрсетуде.

Олардың қатарында, 3 қонақ үй, 6 балалар сауықтыру лагері, 2 емдік сауықтыру орталығы, 21 туристік аймақтар мен туристік базалар, 4 киелі аймақтар бар.

Жалпы ағымдағы жылдың 10 ай қорытындысымен аймаққа 11 мыңнан астам турист келген.