ТҮРКІСТАН: «AMANAT» ПАРТИЯСЫ САЙЛАУАЛДЫ БАҒДАРЛАМАЛАРЫНЫҢ ОРЫНДАЛУЫ ТАЛҚЫЛАНДЫ

Бүгін «AMANAT» партиясы Түркістан облысы Түлкібас ауданы бойынша 2023-2027 жылдарға арналған сайлауалды бағдарламасының 2024 жылдың 10 айының қорытындысымен жол картасының орындалуы жөнінде Түлкібас ауданы әкімдігінің мәжіліс залында аудан әкімі Нұржан Ізтілеуовтың төрағалығымен Жол картаға жауапты мекеме және бөлім басшыларымен жиын өтті, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.   

«AMANAT» партиясы Түлкібас ауданының 2024 жылға арналған сайлауалды бағдарламасын орындау жөніндегі жол картасы 45 іс шарадан тұрады.

2024 жылы орындалуы тиіс 45 іс-шараның ағымдағы жылдың 10 айдың қорытындысымен 27-і (60,0%) орындалды, 18-і (40,0%) орындалу үстінде, жыл қорытындысымен толығымен орындалады деп күтілуде.

Сайлауалды бағдарламасын орындау жөніндегі Жол картадағы бағыттардың ішінде аймақ экономикасын дамыту бойынша айтар болсақ; 2024 жылы ауылшаруашылық айналымға тартылған ауылшаруашылық жерлерінің үлесін арттыру жоспары 100 гектар болса, 10 айдың қорытындысымен ескі өнім бермейтін алма бауларын жұлып, тазалау арқылы қайта айналымға 100 гектар егістік қосылып, жоспар толығымен орындалды.Ауыспалы егістіктің көлемін жеткізу бойынша да 10 айдың қорытындысымен жоспар толығымен орындалды.

Агроөнеркәсіптік кешенге ылғал үнемдеу технологиясын енгізу бойынша жоспар1588 гектар болса, ағымдағы жылдың 10 айдың қорытындысымен толығымен орындалды. Ылғалды үнемдеу технологиясы негізінен көп жылдық екпелер, оның ішінде қарқынды алма бауға, жүзімдіктерге орнатылған. Ауылшаруашылық тракторлары мен техника паркін жаңарту жоспары да толығымен орындалған. Ауылшаруашылығындағы жалпы өнімнің көлемі 67,7 млрд. теңгеге дейін жетіп, 10 айдың қорытындысымен межеге жеткен. Шағын мал бордақылау алаңдарын арттыру бойынша жоспар артығымен орындалып, 45 алаңша ашылды.

«ЖЕР АМАНАТЫ» жобасы аясында жайылымдық жерлерді ортақ айналымға қайтару жоспары бойынша 10 айдың қортындысымен 2062 гектар жерлер қайтарылған. «Ауыл аманаты» партиялық жобасы аясында 2,5 пайыздық жеңілдетілген несие алу жолдарын халыққа кеңінен түсіндіру арқылы жыл сайын 190 кәсіпкерге дейін микрокредит беру жоспарланған. Жоспарға сәйкес, ауданымызда бағдарламаға Арыс, Жаскешу, Ақбиік, Кемербастау ауылдық округтерінде іске асырылуда.

Ұлттық жобалар бойынша бекітілген «Өңірлік жұмыспен қамту картасы» аясында тұрақты жұмыс орындарын ашуда да ілгерілеу бар. «10 мың адамға 100 жаңа жұмыс орнын ашу» бастамасы аясында 2024 жылы, 10 айдың қорытындысымен 799 жаңа жұмыс орыны ашылды. Жұмыссыз азаматтарды әлеуметтік жұмыс орындарына жолдау, жоспары 250 жұмыс орыны болса, 10 айда 250 адам жолданып, жоспар 100,0%-ды құрап толығымен орындалды. «Жастар практикасы» бойынша жастарды жұмысқа жолдау, «Алғашқы жұмыс орны» жобасы аясында жастарды жұмыспен қамту, жұмыссыз азаматтарды қоғамдық жұмыс орнына жолдау, «Күміс жас» жобасы бойынша жұмыссыздарды жұмысқа жолдау жоспарлары сәтті жүзеге асырылды. «Бастау-бизнес» жобасы бойынша кәсіпкерлік негіздеріне жыл сайын 180 адамды оқытып, сертификат беру жоспарланса,10 айда 225 азамат сертификат алып, жоспар артығымен орындалды.

20 кәсіпкерге қолдау көрсету жоспары бойынша жұмыстар жүргізілуде.

Ал жаңа бизнес-идеяларды іске асыруға гранттар беру жоспары 100 бірлік болса, 10 айдың қорытындысымен 83 бірлікті құрап, жоспардың орындалуы 83,0%-ды құрап отыр.

Толығымен орындалған жоспарлардың ішінде жастарға жеңілдетілген шағын несие беру жоспары да бар.

«Жасыл ел» еңбек топтарын ұйымдастыру бойынша 90 жасты жұмысқа ораналастыру, жастар саясаты саласындағы мемлекеттік әлеуметтік тапсырыс шеңберіндегі іс-шараларды насихаттау жоспарлары 10 айдың қортындысымен орындалған. Бірақ, бұл жоспарлар жыл соңына дейін толығымен орындалады деп күтілуде.

Үш ауысымды және апаттық мектептердің мәселесін шешу мәселесі бойынша 1 мектеп пайдалануға берілді. Сонымен қатар, «Ауыл-Ел бесігі» арнайы жобасы аясында 300 орындық «Бақыбек» мөлтек ауданында орналасқан мектептің құрылыс жұмыстары аяқталып, пайдалануға берілді.

Санитарлық-эпидемиялық қызметті күшейтуге, онлайн-медицинаны дамытуға, диагностика және емдеу тәжірибесіне жаңа жоғары технологиялық әдістерді енгізу бойынша 1 МП салу, алғашқы медициналық көмек нысандарын салу жоспарлары жыл соңына дейін орындалмақ.

Ауылдық елді мекендердің медицина саласына 10 адам жұмысқа тартылған. Мемлекеттік тілдің танымалдығы, қолданылу аясының кеңеюі, Қазақстан халқының тілдерін дамыту бойынша 10 іс-шара өткізілген. Түлкібас ауданының көрнекті тумаларын және ақын жазушылар мен зиялы қауым өкілдерінің шығармалары мен мұралары өз деңгейінде насихатталуда.

Жыл сайын «Қоғамдық келісімді сақтау және этносаралық кикілжіңдердің алдын алу», «Құқық бұзушылықтың алдын алу» тақырыптарында барлық аудан және қалаларда жүйелі кездесулер ұйымдастырылуда. Спорттық инфрақұрылыммен қамтамасыз ету көрсеткіші 67,8 пайызға орындалған.

2027 жылға дейін барлық қаржыландыру көздерінен тұрғын үй құрылысын 27,7 млн. шаршы метрге жеткізу жоспарланып, 10 айдың қорытындысымен жоспар 87,4%-ға орындалып отыр. Халықты сапалы, таза ауыз сумен және табиғи газбен қамтамасыз ету жоспары 98,2%-ға жеткен.

Жақсы және қанағаттанарлық жағдайдағы жергілікті маңызы бар автомобиль жолдарының үлесі 85,3%-ға дейін арттыру болса, 10 айдық қорытындысымен 87,7%-ды құрап, жоспар толығымен орындалды.

Ардагерлердің өмір сүру сапасын жақсартуға бағытталған 3 іс-шара өткізілген. Ал, ауданда полиция учаскелерінің құрылысын жүргізуге ЖСҚ әзірлеу жоспары орындалу үстінде.

Ауылдық елді мекендердегі негізгі көшелерді жарықтандыру жобасы бойынша бүгінгі таңда жарықтандыру жұмыстары жүргізілуде. Өңірде қоғамдық келісім мен этносаралық татулықты қамтамасыз ету жақсы жолға қойылған.

«Жол картасының» орындалуы бойынша, жүргізілген жұмыстардың жалпы нәтижесі қанағаттанарлық. Дегенмен, жоба бойынша бекітілген кей жоспарлардың дер кезінде орындалмай, кешеуілдеп жатқандары да бар. Аудан әкімі Н.Ізтілеуов бөлім басшыларына, жауапты мекемелердің мамандарына жыл соңына дейін жоспарды толық орындауға нықтап тапсырма берді. Ал, тапсырмалар орындалуымен құнды. «AMANAT» партиясы Түлкібас аудандық филиалының атқарушы хатшысы Е.Жүнісов бөлімдер өздеріне жүктелген міндеттелген тапсырманы әрбір құнттап, жауапкершілікпен атқарса, кемшіліктер орын алмас еді. Сыннан қортынды шығарылып, жыл соңына дейін, «Жол картасы» аясындағы іс-шаралар толығымен орындалады деген сенімдеміз.