Түркістан: Салық түсімдерін көтеру, инвестиция тарту мәселелері талқыланды

Мемлекет басшысы Қасым-Жомарт Тоқаев Жолдауында кәсіпкерлік саласын дамыту мен бизнес идеяларды қолдау шаралары артып, мемлекет бизнеске көмек көрсету ісін жалғастыра беретінін айтқан болатын. Туризм саласы экономиканың негізгі драйверіне айналған Төлеби ауданында бұл бағытта жүйелі жұмыстар жүргізілуде, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.    

Бүгін, аудан әкімі Еркеғали Әлімқұлов «Атамекен» Қазақстан Республикасының Ұлттық кәсіпкерлер палатасының Төлеби аудандық филиалының директоры Маржан Мұсаева мен іскер әйелдер кеңесінің төрайымы Лаура Станбековамен кездесті.

Кездесу барысында кәсіпкерлік, салық түсімдерін көтеру, инвестиция тарту мәселелері талқыланды. Жеке кәсібін ашып, өз ісін дербес жүргіземін деген азаматтарды қолдап, олардың қызметіндегі кедергілерді азайту мәселесі де қозғалды. Отандық кәсіпкерлікті дамыту – басты назарда екенін айтқан аудан басшысы инвесторлар арқылы жаңа жұмыс орнын арттыру қажеттігін жеткізді.