Bugin

ТҮРКІСТАН ОБЛЫСТЫҚ “ӨНЕРЛІ ҰСТАЗ-2024” БАЙҚАУЫ ӨТТІ

Авторларды қолдау орталығы

mediabugin@gmail.com

Фото: Түркістан облысы білім басқармасы

Техникалық және кәсіптік білім беру ұйымдары ұстаздары арасында өткен «Өнерлі ұстаз - 2024» байқауы өз мәресіне жетті, деп хабарлайды Bugin.kz порталы Түркістан облысы білім басқармасына сілтеме жасап. 

 Байқау мақсаты – ұстаздың тарихи танымдығын, педагогикалық-психологиялық сауаттылығын, шығармашылық талантын анықтау. Тәрбие жүйесінде ұстаздардың жаңа технологиялардың дамуы кезеңінде болашақ ұрпақтың тәрбиесі мен білім алуына ерекше көңіл бөлу, жаңартылған білімдегі тәжірибесімен өзара бөлісу. 

  Сонымен қатар, ұлттық және жалпыадамзаттық тәжірибені іске асырудың феноменальды құралы ретінде ән шығармашылығын өзектендіру, зерделеу және насихаттау арқылы олардың музыкалық-теориялық пәнге деген қызығушылығын арттыру.

 Сайыс қорытындысы бойынша бас жүлдені Арыс қаласында орналасқан №17 колледж ұстазы Сұлтанбек Адилжан жеңіп алды.

І орын - Түркістан қаласы, Көпсалалы индустриалды-техникалық колледж ұстазы Бектасова Ақбота;

І орын - Төлеби ауданы, №8 колледж ұстазы Садибекова Дина;

ІІ орын - Бәйдібек ауданы, №19 колледж ұстазы Құралбек Айжамал;

ІІ орын - Қазығұрт ауданы, №11 колледж ұстазы Абилова Қырмызы;

ІІІ орын - Кентау қаласы, №7 колледж ұстазы Төлбасы Дидар иеленді.  Жеңімпаздар «Облыстық қосымша білім беруді дамыту орталығы» мекемесі атынан «Алғыс хатпен» марапатталды. 

  Айта кетейік, «Өнерлі ұстаз - 2024» байқауы мамандандырылған «Дарын» мектеп-интернаттары, мектеп-интернат, арнайы мектеп-интернаттары, балалар үйлері ұстаздары арасында ағымдағы жылдың 30-қазан күні, аудандық, қалалық іріктеуден жеңімпаз атанған жалпы білім беру ұйымдарының ұстаздары арасында 31-қазан күні, Түркістан қаласы, «Ақжайық» музыка мектебінде өткізіледі.