ТҮРКІСТАН: ШАРДАРАЛЫҚТАР 2024 ЖЫЛДЫҢ ҮЗДІГІ АТАНДЫ

"Шардара Армспорт" клубының жаттықтырушылары мен спортшылары үлкен жетістіктерге жетіп, 2024 жылдың үздіктері атанды, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.    

Бүгін Талғар қаласында өтіп жатқан Қазақстан Республикасы кубогының ашылу салтанатында Шардараның спортшылары қол күресінен және пара-қол күресінен бірнеше марапаттар иеленді.

Қол күресінен ересектер арасында “Үздік спортшы - 2024” номинациясымен клубтың спортшысы Ерсайын Мейрамбек Ерғазыұлы марапатталды.

Ал “Үздік жаттықтырушы - 2024” номинациясымен Шардара Армспорт клубының білікті бапкері Байғозиев Асан Кенжеханұлы марапатталды.

Сонымен қатар, пара-қол күресінен ересектер арасында “Үздік спортшы - 2024” номинациясына Құралбаев Ұлықбек Жаханұлы лайық деп танылды.

Бұл марапаттар - жаттықтырушылар мен спортшылардың жанқиярлық еңбегінің нәтижесі, дейді клуб мүшелері.