Назарбаев Қытайдың жоғары мемлекеттік наградасына ие болды

Достық ордені Қытайдың әлеммен ынтымақтастығына зор еңбек сіңірген тұлғаларға беріледі. ҚХР төрағасы Си Цзиньпин Қазақстанның Тұңғыш президенті Нұрсұлтан Назарбаевты Достық орденімен марапаттады. Бұл туралы Sputniknews.kz хабарлайды. 

Назарбаев жоғары орденмен марапатталған Ресей басшысы Владимир Путиннен кейінгі екінші шетелдік лидер атанды, деп хабарлады Қазақстанның сыртқы істер министрлігі.

Назарбаев Достық орденімен марапатталды

Достық ордені – шетел азаматтарына арналған Қытайдың жоғары мемлекеттік наградасы. Бұл Республика орденінен кейінгі екінші, ал басқа елдердің өкілдері үшін бірінші марапат саналады.

Достық ордені Қытайды социалистік жаңғыртуға, Қытайдың әлеммен және әлемдегі бейбітшілікті қолдаудағы байланыстары мен ынтымақтастығына ықпал еткен тұлғаларға беріледі.

Назарбаев Бейжіңде 26-27 сәуірде өткен "Бір белдеу, бір жол" форумына қатысты. Сондай-ақ ол белгілі актер Джеки Чанмен кездесті.