ТҮРКІСТАН: ҚАЗЫҒҰРТТА ТАЗАЛЫҚ ЖҰМЫСТАРЫ ТАЛҚЫЛАНҒАН ЖИЫН ӨТТІ

Түркістан облысы, Қазығұрт ауданы әкімдігі ғимаратының мәжіліс залында аудан әкімі Исмаилов Азизхан Азимханұлының төрағалығымен ауданымызды абаттандыру мәселесі бойынша арнайы жиын өтті. Атаулы жиынға аудан әкімі аппаратының басшысы, аудан әкімінің орынбасары, дербес бөлімдер мен мекеме басшылары, ауыл округі әкімдері қатысты, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап. 

Күн тәртібінде абаттандыру, ауа райына байланысты су тасуының алдын алу үшін арық-атыздарды тазалау жұмыстары қойылып аудан әкімі Азизхан Азимханұлы жыл бойына жалғасын тауып келе жатқан тазалық жұмыстары әрі қарай да тұрақты түрде жүргізілетінін айтты. Баршаны осы бағытта жүйелі жұмыс жасауға шақырып, қоғамда, тұрғындар арасында экологиялық мәдениетті қалыптастыру керегін тілге тиек етті. Облыстық, аудандық маңызы бар көше бойлары, саябақтар мен скверлерді, қоғамдық маңызы бар нысандардың айналасын қоқыстардан тазарту, үлкен каналдар мен ауыл арасындағы, тұрғын үй аулаларындағы арық-атыздарды тазалау, жаңбырлы маусымға дайындық жұмыстарын пысықтады.

Тазалыққа жауапты тиісті мамандардың алдын-ала дайындаған баяндамаларын тыңдап, кемшіліктерді талқылады. Осы бағытта жұмыс жүргізу үшін сектор бойынша бөлінген жоспарларын қарады. Барша жиынға қатысушы азаматтарға нақты тапсырмаларын беріп, тазалықтың ешқашан күн тәртібінен түспеуі керек екендігін басып айтты.