Bugin

Түркістан: Созақта облыстық байқауда топ жарған студентке құрмет көрсетілді

Авторларды қолдау орталығы

mediabugin@gmail.com

Фото: Түркістан облысы әкімдігі

Түркістан облысы, Созақ ауылынада орналасқан № 1 кәсіптік колледжінің студенті «Түркістан облысының сыбайлас жемқорлық картасына енгізілген салалардағы жемқорлық мәселелерін шешу жолдары» атты Республикалық жобаның облыстық байқауынан жеңімпаз атанды, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап.   

Осы ретте, аудан әкімі Мұхит Тұрысбеков жеңімпаз атанған № 1 кәсіптік колледжінің студенті Қалбибі Шавкатқызы мен жетекшісі Умида Әлімханқызын арнайы қабылдады. Алғыс хат пен сый-сияпат табыс етіп, құрмет көрсетті.

– «Біз үшін ауданымыздың әрбір азаматтарының жеткен жетістігі үлкен мақтаныш. Жастардың сыбайлас жемқорлыққа қарсы күреске белсене атсалысуы, қоғам алдындағы жауапкершілігі мен бастамашылдығы болашақта елдің дамуына ықпал ететіні сөзсіз. Сіздердің бұл жобаларыңыз көпке үлгі боларлық. Алдағы уақытта да сіздерге шығармашылық табыс, жаңа жетістіктер тілеймін!» – деді аудан басшысы.

Өз кезегінде сөз алған № 1 кәсіптік колледжінің директоры Бақдаулет Қордашбеков көрсетілген құрметке алғысын білдірді. Сондай-ақ – «Біз әрқашан жастарымыздың шығармашылық қабілеттерін дамытуды басты мақсат етіп келеміз. Бұл жетістік — колледж ұжымының бірлігі мен еңбегінің нәтижесі», – деп атап өтті.