“Қарныңды ақтарамын”: Талғарда тағы шу шықты

Желіде Талғарда ер адамның басқа бір адамның артынан пышақпен жүгірген видеосы пайда болды, деп хабарлайды Bugin.kz порталы.

Видеоны мына сілтемеден көре аласыз. 

Видео Instagram-дағы Info_Talgar парақшасында пайда болды. Көлік ішінде түсірілген видеода екі ер адам көрсетілген. Біреу қашып бара жатса, екіншісі оны қуып жетуге тырысқан. Ал ер адамның қолында пышаққа ұқсас зат болған. Шабуыл жасамақ болған ер адамды әйел адам тоқтатуға тырысқан. Жазбада оқиға 16 желтоқсан күні түнде, сағат 03:55-те болғаны айтылған.

Осыған байланысты Алматы облыстық полиция департаменті пікір білдірді.

“Аталған факт бойынша полицияға шағым түскен жоқ. Дегенмен дерек Талғар аудандық полициясында тіркелді. Қазіргі уақытта болған жайтқа қатысты барлық мән-жайды анықтау үшін тексеру шаралары жүргізіліп жатыр", - делінген Алматы облыстық ПД хабарында.

Видеода ер адам балағат сөздер айтып, жігітке “қарныңды ақтарамын” деп айқайлағанын көруге болады.