“Қаза болғандар бар”: Қостанай облысында жантүршігерлік жол апаты болды

Қостанай облысында жол апатынан үш адам қаза тапты, деп хабарлайды Bugin.kz порталы. 

Оқыс оқиға кеше түстен кейін Қостанай облысының Қарасу ауданына қарасты Герцен ауылына жақын жерде, “Қостанай-Әулиекөл-Сұрған” жолының бойында болған.  

“Жол апатында ауыр жарақат алған үш адам сол жерде көз жұмды, тағы үшеуі Әулиекөл аудандық ауруханасына жатқызылды. Қазір полиция тергеуді бастады”, - деп хабарлады Қостанай облысы полиция департаменті. 
 

Жол апатында Volvo мен Toyota Alphard көлігі бір-біріне соғылған. Мерт болған адамдардың бәрі Toyota Alphard көлігінде болған.