Енді жанармай салығы енгізіледі

Қырғызстанда жанармай салығы енгізілетін болды, деп хабарлайды Bugin.kz порталы. 

Қырғызстан “Жол қоры туралы” туралы заңға өзгеріс енгізбекші. Қырғызстанда енді жанармай бекеттерінде сатылған әрбір жанар-жағармайдың бір литрі үшін белгілі бір сома алынатын болады. Ел президенті Садыр Жапаров жаңа заңды қолдады. 

Жанармай салығын дизельді отын және жанармай импорттайтын немесе өндіретін нысан иелері төлеуі керек. Бұдан бөлек Қырғызстанда пневматикалық резеңке шиналар және бұрын қолданған шиналардың утилизациясы үшін, майлау материалдары мен басқа майларды өңдеу үшін де салық жиналады. 

Мәліметтерге сүйенсек, жиналған қаражат жол жөндеуге жұмсалатын көрінеді. Заң жол инфрақұрылымы және жалпы автомобиль жолдарының жағдайын жақсарту үшін қарастырылып отыр.

Заң 2025 жылдың 1 қаңтарынан бастап күшіне енеді.