“Ел бойынша тарап кеткен”: Астанада күдікті ет сататын орын табылды

Астанада ет өнімдерін сататын екі заңсыз кәсіпорын анықталды, деп хабарлайды Bugin.kz порталы.

Астана қаласы полиция департаменті баспасөз қызметінің хабарлауынша, ет өнімдерін рұқсатсыз әрі антисанитарлық жағдайда өңдеген екі заңсыз кәсіпорын жұмысы тоқтатылды. 

“Тексеру барысында кәсіпкердің қала маңында жер асты мал сою орнын жалға алып, оны заңсыз пайдаланғаны белгілі болды. Дайын өнім жасауға құжатсыз сатып алынған ет пайдаланылған. Кейін оны Қазақстанның барлық аймақтарына таратқан. Тағы бір дерек қаладағы тұрғын үйлердің бірінде тіркелді. Жергілікті тұрғын өз ауласында құжаттары мен ветеринарлық мөрлері жоқ ет өнімдерін сатқан", - деп хабарлады ПД.

Бірінші кәсіпорында 6 адам жұмыс істегені белгілі болды.