Алматы облысында қараусыз зауыт маңынан әйелдің мәйіті табылды

Алматы облысында қараусыз қалған зауыттың жанынан әйел адамның денесі табылды, деп хабарлайды Bugin.kz порталы. 

Алғашында бұл ақпарат әлеуметтік желіде тараған. Ал әйел қайтыс болар алдын такси қызметін пайдаланғаны белгілі болды. 

Алматы облысының полиция департаменті 56 жастағы әйелдің денесінің табылғанын растады. Аудандық полиция басқармасында қылмыстық іс қозғалды. 

“Қазіргі уақытта болған оқиғаның объективті мән-жайын анықтау үшін барлық қажетті тергеу шаралары жүргізілуде”, - деп хабарлады полиция.

Мәліметтерге сүйенсек, әйел адамның денесінен зорлық-зомбылық іздері байқалмаған.