Әлеуметтік желідегі қысқа контенттер "миды шірітеді" - PR маманы

Белгілі блогер, PR маманы Әлішер Елікбаев Aiqap подкастта қазіргі жастардың тұрақсыздығы туралы айтты, деп хабарлайды Bugin.kz порталы.

Блогер Oxford сөздігіндегі 2024 жылдың үздік сөзінің мағынасын ашты. Бұл – ағылшын тіліндегі “brain rot” сөзі, қазақша баламасы “мидың шіруі” немесе “ми деградациясы” деген сөз екен. Аталған термин интеллектуалдық белсенділіктің төмендеуін сипаттайтын көрінеді. Әсіресе, бұл интернетте немесе әлеуметтік желілерде сапасыз, мағынасыз контентті шамадан тыс тұтынумен байланыстырылады.

“Біздің балаларды қарасаң, олар киноны да қарай алмайды. Басынан соңына дейін қарамайды. Өтіп кетеді. Өзімнің балама қарасам, олар да отыра алмайды. YouTube-те 20 минуттық бағдарламаны қосқанымен, 2 минутын ғана қарайды. “Қызық емес” дейді”, - деді Әлішер Елікбаев. 

Блогер жастар бір жарым сағат телефон ұстамай кино қарай алса, бұл жақсы нәтиже екенін айтты.