Bugin

СҚО-да көпір опырылып, жүк көлігі өзенге құлады

Авторларды қолдау орталығы

mediabugin@gmail.com

Фото: Видеодан алынған скриншот

Солтүстік Қазақстан облысындағы Ғабит Мүсірепов ауданында екі ауылды жалғайтын көпір опырылып түсіп, жүк көлігі өзенге құлады, деп хабарлайды Bugin.kz порталы. 

18 желтоқсанда “Shaсman” автокөлігі жолды қысқарту мақсатында қолдан құрастырылған көпірден өткен. Өткел Бірлік және Нежинка ауылдарының арасында орналасқан, бірақ ресми түрде автожолға жатпайды. Өткел ауыр салмақты көтере алмай, соның салдарынан жүк көлігі аударылып түсті. Ешкім зардап шекпеген. 

Мәліметке қарағанда, сол маңда жүк көлігін өзеннен шығару жұмыстары жүргізілген. Кейін өткелді жөндеу қолға алыныпты. Бұған қоса, әкімшілік мәліметінше, көпір құрылысы жобасы дайындалды. Қазір ол мемлекеттік сараптамадан өтіп жатыр.