“Қазақмыстағы” жұмысшылар ереуілге шықты

Кеше “Қазақмыстағы” жұмысшылар ереуілге шықты. Наразылық әлі жалғасып жатыр, деп хабарлайды Bugin.kz порталы. 

17 желтоқсанда "Оңтүстік Қазақстан" кенішінің № 65 шахтасында кенеттен ереуіл басталды. 250-ден астам кенші жер астына түсуден бас тартты. Адамдар жалақыны көтеру және еңбек жағдайларын жақсарту қажеттілігін мәлімдеді. 

Қызметкерлер жалақыны көтеруді талап етіп отыр, Оның ішінде Оңтүстік Жезқазған кенішінде жұмысшылар жалақыны 2 есе көтеруді сұрады. Жұмысшылар жұмыс уақытын автобусқа отырғаннан бастап есептеуді, ақысыз еңбек демалысына жіберуді жеңілдетуді сұрап отыр. Сондай-ақ олар жұмысқа қажет құрал-сайманның тозғанына наразы. 

Компания 2025 жылдан бастап жалақы өсетінін мәлімдеді. Сондай-ақ ерекшелігі бар бала тәрбиелеп отырған ата-аналарға қосымша жеңілдік пен барлық қызметкер ерікті медициналық сақтандырумен қамтылатыны айтылды.