Белсенді Думан Мұхаммедкәрімнің қайда екені белгісіз

Түрмеде отырған Думан Мұхаммедкәрім Қызылордаға ауыстырылды. Бірақ оны қайда  әкеткенін адвокаты мен туыстары білмейді, деп хабарлайды Bugin.kz порталы Азаттыққа сілтеме жасап. 

Бұл туралы белсендінің адвокаты мәлімдеді.

“Кеше Думан Мұхаммедкәрімді этаппен Қызылордаға әкетіпті. Қай жерге екені әзірге, белгісіз” деді адвокат Ғалым Нұрпейісов. 

 

Бұған дейін өзін Алматы облысындағы түрмеге ауыстыруды талап етіп, аштық жариялаған журналист 7 желтоқсанда аштықты тоқтатқан. Адвокаттың айтуынша, Думан Мұхаммедкәрімнің денсаулығы нашар.

“Оның денсаулығы нашар. Өйткені бүйрегі қатты ауырады. Ол отыра алмайды, не тұрады немесе жатады. Біз медициналық көмек көрсету туралы талай өтініш жасағанбыз” - деді Ғалым Нұрпейісов. 

Бірақ бұл жағдайға ешкім мән беріп қарамаған.