Өз туған күнінде жоғалып кеткен ер адамның жағдайы белгілі болды

Алматы облысында 3 ай бұрын жоғалған ер адам табылды, деп хабарлайды Bugin.kz порталы. 

Биыл қыркүйек ортасында жоғалып кеткен Алматы облысының тұрғыны аман табылды. Бұл туралы Lider.kz сайтының волонтерлері Instagram парақшасында жазды. 

Сипаттамаға сәйкес, 1995 жылы туған Бақытжан Ғазизоллаұлы Жұбанов 17 қыркүйекте, өз туған күнінде үйінен шығып кеткен. 29 жастағы жігіт сағат 18:00-де Жамбыл ауданы Қазыбек бек ауылы, Абай көшесі, 14-үй мекенжайы бойынша үйінен шығып, қайта оралмаған. 

Еріктілердің айтуынша, жоғалған адам 20 желтоқсанда табылған. Басқа мәліметтер әлі нақтыланған жоқ.