Семей қаласының жаңа әкімі тағайындалды

Талғат Мұратов Семейдің жаңа әкімі болып тағайындалды, деп хабарлайды Bugin.kz порталы. 

Бұл тағайындау туралы бүгін, 23 желтоқсанда қалалық мәслихаттың кезектен тыс сессиясы барысында белгілі болды. 

Талғат Мұратов 2022 жылдың қазан айынан бері Бесқарағай ауданының әкімі қызметін атқарып келген. Бүгін, 23 желтоқсанда облыс әкімдігі Нұрбек Қошқарбаев Бесқарағай ауданының әкімі болып тағайындалғанын хабарлады.

2022 жылдың 7 қазанында Семей қаласының әкімі болып Нұрбол Нұрсағатов таңайындалған еді. Алдын ала мәліметтер бойынша, Нұрбол Нұрсағатовтың қызметінен кетуіне шырша безендірген мұғалімнің биіктен құлауы себеп болуы мүмкін.

Еске салайық, бұған дейін шырша сәндемек болған мұғалім биіктен құлап, ауруханаға жатқызылғанын хабарлаған едік. Мұғалімдерді қосымша жұмысқа міндеттегені үшін білім бөлімінің басшысы қызметінен кеткен.