Bek Air ұшағы апатына қатысты тергеу қайта басталуы мүмкін

Бес жыл бұрын Алматы маңында апатқа ұшыраған Bek Air әуекомпаниясының ұшағына қатысты тергеу ісі қайта басталуы мүмкін, деп хабарлайды Bugin.kz порталы. 

Көлік министрі Марат Қарабевтың айтуынша, апатқа қатысты жаңа деректер пайда болған. 

Министр Қарабаев “Bek Air” әуекомпаниясының “Fokker-100” ұшағы апатқа ұшырауына қатысты істің аяқталғанын еске түсірді. Бірақ 

бес жылға жалғасқан бұл атышулы апаттың тергеу ісі қайтадан жандануы мүмкін екен. 

“Қазір әуекомпанияның бір қызметкерінен түскен шағым бар, оған сәйкес тергеуді қайта бастау туралы мәселе қаралуда”, – деді Қарабаев. 

Ведомство басшысы тергеу барысын өзі қадағалап, назарда ұстайтынын айтты.

Ұшақ апаты 2019 жылы болған. Алматыдан Нұр-Сұлтан қаласына бағыт алған ұшақ таңғы 07 :22 кезінде апатқа ұшыраған. № Z2100 рейсті ұшақ көтерілу биіктігін жоғалтып, бетон қоршауды бұзып, екі қабатты құрылыс нысанымен соқтығысқан. Әуе апаты салдарынан, 12 адам көз жұмды. 49 адам зардап шеккен. Ұшақ бортында 93 жолаушы мен экипаждың 5 мүшесі болған.