Маңғыстауда жұмысшы мерт болды

Маңғыстау атом энергетикалық комбинатында жұмысшы қаза тапты, деп хабарлайды Bugin.kz порталы. 

Болған жайтты өңірлік полиция растады. Қайғылы жағдай 23 желтоқсанда энергетикалық комбинатта болған. 

“Еңбек қауіпсіздігі ережелерін бұзу фактісі бойынша қылмыстық іс қозғалды. Тиісті сараптамалар тағайындалды. Тергеу жүргізіліп жатыр”, - деп хабарлады Маңғыстау облысының полиция департаменті өкілдері. 

Мәліметтерге сүйенсек, жөндеу цехының шебері қаза тапқан. Өлімге құбырдың құлауы себеп болған көрінеді.