Үкіметтегілер жұмыссыз қалуы мүмкін — Премьер-министр

Бүгін, 24 желтоқсан күні жасанды интеллект Үкіметтің көшпелі отырысына қатысып, министрліктер арасында тапсырмаларды бөліп отырды, деп хабарлайды Bugin.kz порталы. 

Мемлекеттік қызметтерге енгізілген цифрлық шешімнің жұмысын көрген соң премьер-министр Олжас Бектенов шенеуніктердің жұмыссыз қалуы мүмкін екендігін алға тартты. 

“Протоколды өзі дайындайды, тапсырманы өзі береді. Біз не істейміз сонда?”, - деді Олжас Бектенов.

Келесі жылы шенеуніктерді жасанды интеллект құралдарына оқытатын  бағдарламалар мен курстар дайындалмақ.

“Бүгінде азаматтардың көпшілігі жасанды интеллект туралы біле бермейді. Цифрлық қызметтердің дені қарапайым халық үшін күрделі. Оларды барынша оңайлату керек. Цифрлық даму министрлігіне салалық министрліктермен бірге қолданыстағы цифрлық шешімдерді одан әрі жетілдіруді тапсырамын”, - деді Бектенов. 

Сондай-ақ үкімет басшысының сөзінше, нейрондық желілер арқылы тәуекелдерді және төтенше жағдайларды болжап, олардың алдын алуға болатын көрінеді.