Сыннан көз ашпайтын қорғаныс министрі тағы бір қызметке тағайындалды

Руслан Жақсылықов Қазақстанның спорттық және жауынгерлік самбо федерациясын басқаратын болды. Бұған дейін бұл қыметте Айдос Ақжанов болған, деп хабарлайды Bugin.kz порталы. 

Қорғаныс министрлігінің хабарлауынша, сайлау Астанадағы федерацияның кезектен тыс отырысында өтіп, Жақсылықовтың кандидатурасы бірауыздан қолдау тауыпты. 

“Қоғамдық бірлестіктің жаңа басшысы Руслан Жақсылықов - дзюдодан КСРО спорт шебері, бірнеше дүркін чемпион, самбо мен дзюдодан республикалық және халықаралық жарыстардың жүлдегері”, - делінген хабарламада. 

 

Жақсылықовтың айтуынша, ол самбоны әскери қызметшілер мен құқық қорғау органдарының қызметкерлерін даярлауға енгізгісі келеді екен. 

“Алда көп жұмыс бар. 2025 жылы самбо ТМД әскери-спорттық ойындары мен ҚР Қарулы Күштерінің спартакиадалары бағдарламасына енгізіледі. Сондай-ақ Бауыржан Момышұлы атындағы Алматы әскери-спорт колледжінде бөлімше ашу жоспарлануда, онда көп балалы отбасылардан, әскери қызметшілерден және ауылдық жерлерден келген балалар басымдыққа ие болады. Жаппай даму мақсатында әскер қатарына маман-нұсқаушыларды шақырамыз”, - деді министр.

Бүгінгі таңда самбо бойынша 1100-ден астам секцияда қырық мыңнан астам адам айналысады.