Шетелдіктер Астанадағы ломбардты тонап кетті

Шетелдіктер астаналық ломбардтардың бірінен 46 млн теңге ұрлап кеткен, деп хабарлайды Bugin.kz порталы. 

5 адамнан тұратын топ қылмысты алдын ала жоспарлағаны анықталды. Олар ломбардтың кілтін алып, ондағы қызметкер түскі үзіліске шыққан сәтті күткен. Одан соң олар ішке кіріп, жалпы құны 45 миллион теңге болатын 654 алтын бұйымды, сондай-ақ кассадан 1,5 миллион теңгеден астам ақшаны ұрлап кеткен.

Күдіктілер оқиға орнынан ізін суытып, елдің батыс аймағына қашқан. Полицейлер күдіктілерді Орал қаласындағы үйлердің бірінің ауласында ұстады. Олардың басқа елдің азаматтары екені анықталды.