Елдос Сметов жаңа марапатқа ие болды

Елдос Сметов "Жылдың үздік спортшысы" атанды, деп хабарлайды Bugin.kz порталы. 

Астанада Туризм және спорт министрлігінің ұйымдастыруымен дәстүрлі “Үздік-2024” сыйлығы табысталды. 20 аталым бойынша жеңімпаздарға арнайы мүсінше, диплом мен 1 млн теңге сыйлық берілді. 

“Үздік-2024” сыйлығы тек спортшыларды ғана емес олардың бапкерлерін, федерацияны қамтиды. Жылдың қорытынды шарасында үздік жаттықтырушылар, спортты дамытуға үлес қосқан меценаттар да құрметке ие болды.

Дзюдодан Олимпиада чемпионы Елдос Сметов мен Паралимпиаданың екі дүркін чемпионы Давид Дегтярёв  “Жылдың үздік спортшысы” атанды. 

Ал жылдың үздік жаттықтырушысы аталымымен Е.Сметовтің бапкері Ғалымжан Жылгелдиевпен Д.Дегтярёвтың бапкері Юрий Колесников мапаратталды.