Петропавлда мектеп бухгалтері жұмыс орнында ерсі әрекеттер жасады (ВИДЕО)

Петропавлда мектеп есепшісі жұмыс орнында мас күйде темекі шекті, деп хабарлайды Bugin.kz порталы.

Видеоны мына сілтемеден көре аласыз.

Есепші осы іс-әрекетінен кейін қамауға алынып, айыппұл арқалайды. 43 жастағы әйелге қылмыстық іс қозғалды.

Оқиға 18 желтоқсанда болды. Әйел мектепте темекі шегіп, ерсі әрекеттерге барған. Оқиға орнына келген полиция қызметкерлері есепшіні мас күйінде ұстады.

"Сот отырысы барысында білім беру мекемесінің қызметкері мас күйінде екені анықталды. Ол мектеп фойесінде темекі шеккен. Полиция есепшіні ұстамақ болған кезде қарсылық көрсетті", - деді СҚО полиция департаментінің баспасөз қызметі. 

Бір қызығы, мектеп күзеті сол күні күдікті ештеңе байқамағанын айтады. 

Есепшіге 300 мың теңгеге дейін айыппұл салынады, сонымен қатар 20 тәулікке дейін қамауға алынады. Мектепте көңіл көтермек болған есепші жұмыстан қуылды.