Елімізде алаяқтықтың жаңа түрі пайда болды

Интернет алаяқтар азаматтардан “салық” жинауға кірісті, деп хабарлайды Bugin.kz порталы. 

Қазақстандықтардың электрондық мекен-жайлары мен әлеуметтік желілеріне “салықтық” хабарламалар түсіп жатыр. Алаяқтар “Бұзушылықтарды жою туралы ескерту. Банк шоттарындағы ақша есебінен бюджетке берешекті өндіріп алу”  деген мәтін жіберіп жатыр. Кірістер комитеті бұл алаяқтардың әрекеті екенін ескертеді.

“Біздің ақпараттық жүйелеріміздің хабарламалары тек “салық төлеушінің кабинетіне”, “электрондық үкімет” порталының жеке кабинетіне және “E-salyq” мобильді қосымшаларына жіберіледі. Салық төлеуші хабарламалардың бір бөлігін бірден өзінің жеке кабинетінде КТС, ЭҮП немесе ESA, ESO-да көре алады”, - деп хабарлады комитет.

Мамандар күмәнді сілтемелер бойынша өтпеуге кеңес береді.