Ақтаудағы ұшақ апатынан аман қалғандардың тізімі жарияланды

Ақтаудағы ұшақ апатынан аман қалғандардың тізімі шықты, деп хабарлайды Bugin.kz порталы. 

Арасында 27 ересек, екі бала бар.

Сондай-ақ олардың қай елдің азаматы екені жазылған. Тізімде қазақстандықтар жоқ. 

Ұшақ апаты Бас Прокурорының ерекше бақылауына өтті. 

“Ақтау қаласы маңындағы Әзербайжан әуе компаниясының әуе кемесі апаты фактісі бойынша Бас прокуратураның арнайы прокурорларының басшылығымен ведомствоаралық тергеу-оперативтік топ құрылды”, - делінген хабарламада. 

Оның құрамына көлік прокуратурасының, ІІМ және ТЖМ тәжірибелі қызметкерлері кірген. Сонымен қатар оқиға орнына үкіметтік комиссия құрамында елдің бас көлік прокуроры барды.