Ұшақ апатынан зардап шеккендердің қазіргі жағдайы қандай?

Маңғыстау облыстық денсаулық сақтау басқармасының сағат 10:30 дағы мәліметі бойынша ауруханаға келіп түскен барлық пациенттер ҚР ДСМ диагностика және емдеу хаттамасына сәйкес толық көлемде ем алып жатыр, деп хабарлайды Bugin.kz порталы.

Тергеу органдары 2 пациенттің жеке басын анықтау бойынша жұмыс жүргізіп, оның бірінің кім екенін тапты. Ол әзербайжандық келіншек екен. Сондай-ақ санитарлық авиация желісі бойынша Астана қаласынан Ұлттық шұғыл медицина үйлестіру орталығының және жетекші республикалық орталықтардың жоғары білікті мамандары келген.

Бүгін таңертең Ақтау уақытымен сағат 08:30-да РФ ТЖМ орталық аппаратының санитарлық авиация бортында Ресей азаматтары эвакуацияланды. Ұшақта ресейлік 16 азамат болған. Оның жетеуі мерт болды. Қалған тоғызы еліне қайтты. 

Дәрігерлер ауруханада 20 науқас бақылауда екенін айтты.