Әзербайжанда апаттан қаза тапқандардың отбасына қанша төлем төленеді?

Әзербайжанда апаттан мерт болған адамдардың отбасына қанша қаражат төленетіні белгілі болды, деп хабарлайды Bugin.kz порталы. 

Azerbaijan Airlines әуе компаниясының өзі Ақтаудағы әуе апатынан қаза тапқандардың отбасына 12 млн теңгеден астам ақшадан төлейтінін мәлімдеді. 

“Әзербайжан әуе компаниялары" АҚ бақылау кеңесінің шешіміне сәйкес, Баку – Грозный рейсін орындаған Embraer 190 ұшағының әрбір жолаушысына 20 000 Манат (6 млн теңге) және әрбір қаза тапқан адамның отбасыларына 40 000 Манат (12 млн теңге) мөлшерінде өтемақы белгіленді”, - делінген әуе компаниясының ресми хабарламасында.

Әуе апатынан қаща болған қазақстандықтардың да отбасына төлем төленеді.  Еңбек және әлеуметтік қорғау министрінің орынбасары Ақмади Сарбасов ұшақ апатынан қаза тапқан қазақстандықтардың туыстарына қалай көмек көрсетілетінін айтты.

“Әрине, біржолғы көмек көрсетіледі. Мөлшері анықталады. Кепілдендірілген мемлекеттік төлемдерге келер болсақ, республикалық бюджет желісі бойынша әрбір отбасы бойынша тиісті төлем беріледі <...> Асыраушысынан айырылу бойынша 138 мың теңге, мемлекеттік әлеуметтік сақтандыру қорының желісі бойынша – 257 мың теңге көлемінде көмек көрсетіледі”, – деді Ақмәди Сарбасов.

Сонымен қатар 5 млн теңге көлемінде біржолғы көмек қарастырылған.