“Шерзаттың әпкесі елден кете ме?”: аппелияциялық сот шешімі шықты

Бақыт Реймова бостандыққа шықты, деп хабарлайды Bugin.kz порталы. 

Қаржаубай Нұрымовтың немере әпкесі Бақыт Реймова халықты митингіге шақырғаны үшін айыпты деп танылып, 15 тәулікке қамалып шықты. Сонымен қатар шет елдің азаматы ретінде елден депортацияланатын болған. Бақыт Реймованың құқық қорғаушылары аппелияциялық шағым түсіргенін хабарлаған. Бірақ аппелияциялық шағым қанағаттандырылмағаны туралы шешім шықты. Бақыттың құқық қорғаушысы  Мейірман Шекеев құқықтардың өрескел бұзылып жатқанын айтты.

“Біз енді жоғарғы сотқа жүгінеміз. Бас прокуратураға шағым айтамыз. Жоғарғы сот бұл қаулыны бұзады деген үміттеміз. Себебі бұл жерде халықаралық талаптар өрескел бұзылып отыр. БҰҰ-на шығамыз. Бұл жерде баланың құқығы өрескел бұзылды. Сонымен қатар Бақыт Реймованың этникалық қазақ екені ескерілмеді”, - дейді ол.