“Құстарға соқтығысқан”: Оңтүстік Кореядағы ұшақ апатының алдын ала себебі белгілі болды (ВИДЕО)

Оңтүстік Кореядағы Муан қаласының әуежайына қонған кезде апатқа ұшыраған ұшақ құстармен соқтығысқан, деп хабарлайды Bugin.kz порталы. 

Видеоны мына сілтемеден көре аласыз.

Yonhap агенттігінің мәліметінше, апаттың негізгі себебі — құстар болуы мүмкін. 

"Билік: Муанда ұшақ апатқа ұшыраған кезде құспен соқтығысу шассидің істен шығуына себеп болуы мүмкін", - деп жазылған хабарламада.

Оңтүстік Кореядағы ұшақ апаты кеше, 29 желтоқсан күні таңғы сағат 9:07-де (Астана уақыты бойынша 5:07-де) болды. Бортта 175 жолаушы мен алты экипаж мүшесі болған. Олар Бангкоктен оралған.

Апат салдарынан ұшақ айтарлықтай зақымданды, өрт шықты. Кейін төтенше жағдайлар қызметі өртті сөндіріп, іздеу-құтқару жұмыстары жүргізілді. 

Жолаушылар арасында Оңтүстік Кореяның 173 азаматы және Таиландтың 2 азаматы болғаны анықталды. Алдын ала ақпаратқа сәйкес лайнер қону кезінде құстармен соқтығысқан. Сондай-ақ, құтқарылған екі адамнан басқалары қаза тапты.