Басына оқ тиген: Қаңтарда оққа ұшқан марқұмның анасы жан сырын ақтарды

Қаңтар оқиғасы кезінде Райс Рысбеков басына оқ тиіп мерт болды. Bugin.kz тілшісі Азаттық ұсынған кітаптан мағлұматтар ұсынады.

Таразда Қаңтар оқиғасы кезінде айып тағылған 9 адамның ісін сот қарап жатыр. Оның бесеуі оқиға орнында көз жұмғандар.

Оның ішінде Райс Рысбековта бар. 

39 жастағы Индира Бекежанованың үлкен ұлы Қаңтар оқиғасының құрбаны болды. Марқұмның жасы бар жоғы 19-да болған. Тараз инновациялық-гуманитарлық университетінің 2-курс студенті Райс Рысбековты анасы мәйітханадан тапты. 

“Бір құлағынан тиген оқ екінші құланының түбінен тесіп шығыпты. Екі көзі көгерген. Бұл жауыздар баламды атқанымен қоймай, сабаған да болуы керек” , - дейді марқұмның анасы. 

Жас жігіт атқа өте қызығыпты. “Әулиеата” командасының құрамында көкпарға да қатысқан екен. Марқұмның анасы Райстың жаназасына жүздеген адамның жиналғанын, бәрі баласының жақсылығын жарыса айтқанын айтады.

19 жасында оққа ұшқан Райс Рысбековке қатысты тергеу органы қаңтарда “тероризм актісі” (255-бап), “жаппай тәртіпсіздікке қатысты” (272-баптың 2-бөлімі), “оқ-дәріні заңсыз иемденді, алып жүрді” (287-баптың 3-бөлімі) деген айып таққан. Кейін шілде айында  255-бапты алып тастаған екен.  Индира Бекежанованың айтуынша, Райстың қалтасынан  екі оқ табылғаны жалған екен.  Ол оған сенбейтінін айтты. 

Марқұмның анасы баласының өліміне президент Тоқаевті айыптап отыр. Президенттің жазықсыз адамдарды атуға бұйрық бергеніне әлі сене алмайды.

28 қараша, 2022 жыл.