Bugin

Таразда Қаңтар оқиғасында қаза тапқандарға ас берілді

Авторларды қолдау орталығы

mediabugin@gmail.com

Фото: Диляра Иса

3 қаңтар күні Таразда 2022 жылы Қаңтар оқиғасы кезінде қаза болған адамдардың туыстары марқұмдарға арнап ас берді, деп хабарлайды Bugin.kz порталы Азаттыққа сілтеме жасап.

Асқа Алматы, Талдықорған, Тараз, Шымкент және Қызылорда қалаларында оқиға кезінде қаза болған азаматтардың туыстары мен азаматтық белсенділер қатысты.  

Қазақстанның бес қаласынан жиналған отыздан аса адам әуелі Тараздағы орталық мешітке барып, марқұмдардың рухына бағыштап құран оқытты. Олар Қаңтар оқиғасында опат болғандар ұмытылмауы керек деп санайды.  

"Сол кезде үйден ойнап-күліп шыққан балаларымыздың денесі қас-қағым сәтте келіп жатты. Бұл бар отбасының қабырғасын қайыстырды", - дейді асқа келгендер. 

Олардың пікіріне белсенділер де қосылып жатты.