Ақтаудағы апат: оқ тиген ұшақтың ішкі бөлігінің суреттері тарады

Ақтау маңында апатқа ұшыраған Azerbaijan Airlines ұшағының фюзеляжының фотосуреттері тарады, деп хабарлайды Bugin.kz порталы. 

Эксклюзивті кадрларды AnewZ телеарнасы ұсынды. Ұшақтың ішкі фюзеляжының суреттерінде сыртқы әсерге сәйкес келетін зақымдану белгілері айқын көрінеді. Атап айтқанда, сыртқы фактор әсерінен ұшақтың қанаты зақымданғаны анық көрінеді, бұл құстардың соқтығысуы немесе газ баллонының жарылуы сияқты бастапқы нұсқаларға мүлдем сай келмейді. 

Әзірбайжан үкіметінің дереккөздерінің хабарлауынша, алдын ала тергеу көрсеткендей, ұшақты Ресейдің “Карапас-С” әуе қорғанысы жүйесінен Грозныйға ұшып бара жатқан зымыран атып түсірген.

Бұған дейін цифрлық даму және көлік министрі Рашад Нәбиев бұл фактіні растаған болатын. Алайда оның айтуынша, ұшақты атқан зымыран түрін тергеу керек екен. Өз кезегінде Әзірбайжан президенті Ильхам Әлиев ұшақты Ресейдің әуе қорғанысы Ресей аумағының үстінен байқаусызда атып түсіргенін айтты. Президент Ильхам Әлиев Путиннен кінәні толық мойындауды, кінәлілерді жазалауды және зардап шеккендер мен олардың отбасыларына өтемақы төлеуді талап етті.