“Ең кішісі 4 айлық”: өрттен 5 бала ажал құшты

Абхазияда өрттен кәмелетке толмаған бес бала қаза болды,деп хабарлайды Bugin.kz порталы.

6 қаңтарда осы қайғылы жағдайға байланысты елде қаралы күн жарияланды. Президент міндетін атқарушы Бадра Гунбаның жарлығымен 6 қаңтар Абхазияда қаралы күн деп жарияланды.

Елде аза тұту күні жарияланғандықтан барлық мемлекеттік мекемеде мемлекеттік тулар түсіріледі, мәдениет мекемелерінде, теледидар мен радиода ойын-сауық шаралары тоқтатылады. 

Жергілікті басылымдардың мәліметінше, Гал ауданы Папанырхуа ауылында тұрғын үй өртенген. Жанып жатқан үйдегі бес баланы аман алып қалу мүмкін болмаған. Балалардың ең кішісі төрт айлық болған. Алдын ала мәлімет бойынша, балалардың әжесі пеш жағатын кезде керосин мен бензинді шатастырып алған.