Мерт болғанадар бар: Ресейде қазақстандықтар жантүршігерлік апатқа ұшырады

Ресейдің Самара облысындағы Самара - Большая Черниговка тасжолының 101-шақырымында Қазақстанның тоғыз азаматы жол апатына ұшырады, деп хабарлайды Bugin.kz порталы.

Жол апаты 5 қаңтарға қараған түні болған. Апат салдарынан жеті қазақстандық зардап шекті, екеуі оқиға орнында мерт болды. 

7 қаңтар күні таңертең зардап шеккен жеті адам, оның ішінде екі бала жедел жәрдеммен Оралдағы қалалық және облыстық көпсалалы ауруханаларға жеткізілді. Көз жұмған екі азамат та елге жіберілді. 

Апаттан зардап шеккендерде мидың шайқалуы, аяқ-қолдардың, жамбас сүйектерінің, омыртқаның сынуы, көгеру, гематома және орташа ауырлық дәрежесіндегі көптеген жарақаттар тіркелді.

Бұл операцияға төтенше жағдайлар департаменті мен облыстық денсаулық сақтау басқармасынан 23 адам мен 8 бірлік техника жұмылдырылды.