Атырауда жаппай төбелестен ер адам көз жұмды

Атырау облысы Құрманғазы ауданы Жаңаауыл ауылында жаппай төбелес болды. Оқиға орнында ер адам мерт болды, деп хабарлайды Bugin.kz порталы. 

Бұл ауылда төбелестер өте жиі болады екен. Көрші ауылдың адамдары келіп, жергілікті тұрғындардың мазасын алатын көрінеді. Жаппай төбелес кезінде ер адам оққа ұшты.

Қазір ауыл тұрғындары өлген жігітті үй маңында атып өлтірді деген жалған ақпарат таралып жатқанын айтады. Мәліметтерге сүйенсек, марқұмды атып кеткен Сафон ауылының тұрғыны екен.

Тұрғындардың айтуына қарағанда, қаралы күні Сафоннан қырыққа жуық жігіт үш көлікпен Жаңаауылға келген. Олардың және жергілікті тоғыз тұрғынның арасында жанжал шыққан. Сөзге келіспей қалып, арты төбелеске ұласқан, салдарынан Сафонның 29 жастағы тұрғыны қаза тапты.

Сонымен қатар 20 және 33 жастағы екі ер адам түрлі жарақат алып, аудандық ауруханаға жеткізілді.

Атырау облысының полиция департаменті кісі өлтірді деген күдікпен 30 жастағы ер адамның ұсталғанын хабарлады. 

Аталған факті бойынша қылмыстық іс қозғалып, тергеу амалдары жүргізіліп жатыр.